▪️ الناس تعبانة وهلكانين، والمتقاعد ما حد له

قناة البحرين – صوت الشعب

📢 رسالة مواطِن 🇧🇭

▪️ الناس تعبانة وهلكانين، والمتقاعد ما حد له” لما قلنا الناس مجروحين انا اتكلم على فئة المتقاعدين اللي انجرحوا الجرح الكبير… عندنا إخواننا النواب الله يبارك فيهم ويحفظهم عطونا آمال كبيرة وقمنا نحلم ليالي كثيرة… قالو في الـ 3٪ وقالوا في الزيادة وقالوا بالأثر الرجعي وخاصة كانت ايام الانتخابات، عطونا أحلى الآمال، قالوا لك اللي راح تشوفه ما تتخيله لان احنا اصواتكم…. اتذكر واحد من الاخوان قال أدنى راتب للمتقاعدين 500 دينار فراح واستانس، وراح رشحه بس ما نجح… يا جماعة الخير نصيحة مني لكم، ان شفتوا متقاعد يتمشى في الشارع، وطقيت له ورن وما رد عليك السلام، ترا قاعد يفكر للحين بالوعود اللي قالوها له، قاعد يحلم ويضرب أخماس في أسداس… كفاية، المتقاعد تعبان، المتقاعد هلكان… “